Salm 148

« Meulom an Aotrou gand ar bed a-bez,
Kanom e vadou hag e vadelez ! »

¹ Allelouia ! Meulit an Aotrou euz an neñv,
E veulit euz an nec’h.
² E veulit e oll êlez,
E veulit, e oll strolladou.

³ E veulit heol ha loar,
E veulit oll stered skeduz.
⁴ E veulit an neñv hag an neñvou,
Hag an doureier a zo a-uz d’an neñvou.

⁵ Ra veulint Ano an Aotrou,
Rag dre e urz ez int bet krouet.
⁶ Hag e talc’h anezo da virviken,
D’eun urz roet gantañ ne vez ket dizentet. (D)

⁷ Meulit an Aotrou euz an douar,
Morviled hag islonkou ;
⁸ Tan ha grizill, erc’h ha brumenn,
Avel stourm hag a ra pez a lavar.

⁹ Meneziou ha kement torgenn a zo,
Gwez frouezuz hag oll sedrez ;
¹⁰ Loened gouez hag oll jetal,
Stlejviled ha laboused askellet. (D)

¹¹ Rouaned an douar hag oll bobladou,
Priñsed hag oll varnerien an douar ;
¹² Pôtred ha merhed yaouank,
Kozidi ha yaouankizou.

¹³ Ra veulint Ano an Aotrou,
Rag uhelloh eo e Ano eged pep hini.
E veurded a zo a-uz d’an douar ha d’an neñv ;
¹⁴ Uhel e-neus savet galloud e bobl.
E veuli a c’hell e oll vignoned,
Bugale lzrael, poblad kar dezañ.
           Allelouia ! (D)

« D’an hini a zo azezet war an trôn ha d’an Oan, meuleudi, enor, gloar, galloud da virviken » (Disk.5,13)