Salm 135

(Heb. 136)

Meuleudi da Zoue
evid burzudou e grouidigez ha frankiz e bobl.

¹ Meulit an Aotrou, rag mad eo,
           Da virviken e garantez !
² Meulit Doue an doueou,
           Da virviken e garantez !
³ Meulit Aotrou an aotrouned,
           Da virviken e garantez !

⁴ Eñ hepken ’neus greet burzudou braz,
           Da virviken e garantez !
⁵ Greet an neñv gand gouiziegez,
           Da virviken e garantez !
⁶ Astennet an douar war an doureier,
           Da virviken e garantez !

⁷ Greet ar gouleier braz,
           Da virviken e garantez !
⁸ An heol da ren war an deiz,
           Da virviken e garantez !
⁹ Al loar hag ar stered da ren war an noz,
           Da virviken e garantez !

¹⁰ Eñ ’neus skoet war an Ejipt dre e re genta-ganet,
           Da virviken e garantez !
¹¹ Tennet lzrael euz o zouez,
           Da virviken e garantez !
¹² Gand eun dorn kreñv hag eur vrec’h hir,
           Da virviken e garantez !

¹³ Eñ ’neus rannet Mor ar C’horz e daouhanter,
           Da virviken e garantez !
¹⁴ Lakeet lzrael da dremen dre greiz,
           Da virviken e garantez !
¹⁵ Stlapet Faraon hag e arme e Mor ar C’horz,
           Da virviken e garantez !

¹⁶ Eñ ’neus kaset e bobl dre an dezerz,
           Da virviken e garantez !
¹⁷ Skoet gand rouaned braz,
           Da virviken e garantez !
¹⁸ Ha lazet rouaned gallouduz,
           Da virviken e garantez !

¹⁹ Sihon, roue an Amorreed,
           Da virviken e garantez !
²⁰ Hag Og, roue ar Bashan,
           Da virviken e garantez !
²¹ Ha roet o bro da herez,
           Da virviken e garantez !

²² Da herez da lzrael e zervicher,
           Da virviken e garantez !
²³ En on izelded e-neus bet soñj ahanom,
           Da virviken e garantez !
²⁴ On diframmet diouz on enebourien,
           Da virviken e garantez !

²⁵ Da beb krouadur e ro ar bara,
           Da virviken e garantez !
Meulit Doue an neñv,
           Da virviken e garantez !
Meulit an Aotrou, rag mad eo,
           Da virviken e garantez !

« Ma’h anavezfes donezon Doue ! » (Yn 4,10)