Pennad pemzeg

¹ Dioustu, d’ar mintin, e vod ar veleien-veur eur huzul, gand ar gozidi, ar skriverien hag ar zanedrin a-bez, ha chadenna a reont Jezuz, evid e gas hag e roi da Bilat.

« Ha bez’ out roue ar Juzevien ? »

² Ober a ra Pilat goulennou outañ : « Ha bez’ out roue ar Juzevien ? » Respont a ra-eñ, o lavared : « Te eo hag henn lavar. » ³ Hag ar veleien-veur a damall eur hem traou dezañ. ⁴ Anevez e ra Pilat goulennou outañ : « Ne respontez netra ? Sell ! Nag a draou a damallont dit ! » ⁵ Jezuz ne respont mui netra, ken eo souezet Pilat.

Barabaz

⁶ Da beb gouel, e tieube dezo eur prizoniad, an hini a houlennent. ⁷ Bez’ e oa unan, anvet Barabaz, bet chadennet asamblez gand an dispaherien o-doa greet eur muntr e-pad eun emzavadeg. ⁸ O veza deut d’al laez, e krog ar boblad-tud da houlenn ma rafe evito e-giz kustum. ⁹ Respont a ra Pilat, o lavared dezo : « Ha c’hoant ho-peus e tieubin deoh roue ar Juzevien ? » ¹⁰ Rag gouzoud a ree e oa dre warizi o-doa ar veleien-veur e roet dezañ.

« Stag-eñ ouz ar groaz ! »

^{28 11} Ar veleien-veur a atiz an dud evid ma vo kentoh dieubet Barabaz dezo. ¹² Ha komz a ra Pilat adarre, o lavared dezo : « Petra a rin gand an hini a rit roue ar Juzevien anezañ ? » ¹³ Anevez e youhont : « Stag-eñ ouz ar groaz ! »

¹⁴ Pilat a lavar dezo : « Petra ’ta ? Peseurt droug e-neus-eñ greet ? » Youhal a reont muioh c’hoaz : « Stag-eñ ouz ar groaz ! » ¹⁵ Evid roi e hoant d’ar bobl eta, e tieub Pilat Barabaz dezo. Ha, goude beza e skourjezet, e ro Jezuz dezo evid ma vo staget ouz ar groaz.

Ar gurunenn-spern

¹⁶ E ze~as a reont ganto e-barz ar porz, e-leh m’ema ar pretordi, hag e vodont ar gompagnunez a-bez. ⁷ E wiska a reont gand eur vantell liou moug, ha lakaad war e benn eur gurunenn spern, plezet ganto.

¹⁸ Hag e krogont d’ober saludou dezañ : « Salud dit, roue ar Juzevien ! » ¹⁹ Skoi a reont war e benn gand eur gorzenn, tufa warnañ, ha stoui dirazañ, en eur blega o daoulin. ²⁰ Ha p’ho-deus greet goap outañ, e tiwiskont e vantellliou moug hag e lakont e zillad warnañ.

Simon a Ziren

E gas a reont er-mêz, evid ma vo staget ouz ar groaz. ²¹ Kemer a reont eun tremeniad, Simon a Ziren, o tond en-dro euz ar park – tad da Aleksandr ha da Rufuz – evid ma tougo ar groaz. ²² Stlejet eo Jezuz ganto beteg al leh anvet Golgotha, da lavared eo ar Glopenn. ²³ Gwin gand mir a roont dezañ ; med en ne gemer ket.

Jezuz war ar groaz

²⁴ E staga a reont ouz ar groaz, hag ingala e zillad etrezo, o taoler an diñsou, evid gouzoud piou a gemerfe petra. ²⁵ An trede eur e oa, p’o-doa e staget ouz ar groaz, ²⁶ hag enskrivadur e gaoz a oa skrivet : « Roue ar Juzevien ».

²⁷ Gantañ e stagont daou forban ouz eur groaz, unan war e du dehou, egile war e du kleiz. ²⁹ Mallozet eo gand an dreminidi hag hej o fenn, en eur lavared : « Ahanta ! Te hag a zistruj an templ hag e zav dindan tri devez, ³⁰ en em zavete, te da-unan, en eur ziskenn euz ar groaz ! »

³¹ Evel-se ive eo-eñ mezekeet gand ar veleien-veur, o lavared kenetrezo gand ar skriverien : « Saveteet e-neus re all, ha ne hell ket en em zavetei, eñ e-unan ! ³² Ar Hrist ! Roue Izrael ! Ra ziskenno bremañ euz ar groaz, evid ma welim ha ma kredim ! » Ha kunujennet e oa gand ar re zoken bet staget ouz eur groaz gantañ.

Mervel a ra Jezuz war ar groaz

³³ Deut eo ar c’hwehved eur, ha koueza a ra an deñvalijenn war an douar a-bez, beteg an naved eur. ³⁴ Ha d’an naved eur, e laosk Jezuz eur griadenn vraz : « Eloi ! Eloi ! Lama sabakhtani ? », da lavared eo : « Ma Doue, ma Doue, perag az-peus ma dilezet ? »

³⁵ Lod euz an dud tro-dro dezañ a glev hag a lavar : « Sell ! Ema o helver Eliaz ! » ³⁶ Unan anezo a red, a zoub eur spoueenn er gwinegr, he lake beg eur gorzenn, hag a ro dezañ da eva, en eur lavared : « Lezit ! Gwelom hag-eñ e teuio Eliaz d’e lakaad da ziskenn. » ³⁷ Med Jezuz a laosk eur griadenn vraz hag a rent e spered. ³⁸ Ha roget eo gouel an templ e daou, euz al laez d’an traoñ.

³⁹ O veza gwelet penaoz e-neus-eñ rentet e spered, e lavar ar hantener, en e zav dirazañ : « E gwirionez, e oa an den-mañ mab da Zoue. » ⁴⁰ Bez’ e oa merhed ive, o selled a-bell. En o zouez : Mari Madalen, Mari, mamm da Jakez-Vihan ha da Jozed, ha Salome. ⁴¹ Pa oa-eñ e Bro-Halile, ez eent d’e heul evid e zervicha. Ha kalz re all ive, pignet gantañ beteg Jeruzalem.

Ar beziadur

⁴² Deut dija an abardaez, evel ma oa an Aozidigez, da lavared eo ar raksabad, ⁴³ e tegouez Jozef a Arimati, eur huzulier brudet. Eñ ive a oa o hortoz rouantelez Doue. Kredi a ra mond da di Pilat, ha goulenn korv Jezuz. ⁴⁴ Souezet eo Pilat e vefe-eñ dija maro. Gelver a ra ar hantener ha goulenn digantañ hag-eñ e oa marvet abaoe pell ’zo. ⁴⁵ Kelaouet gand ar hantener, e ro ar horv da Jozef. ⁴⁶ Hemañ a bren eul liñser. Diskenn a ra ar horv, lakaad al liñser en-dro dezañ hag e zougen en eur bez bet kleuzet er roh. Goude-ze, e ruill eur mên ouz toull-dor ar bez. ⁴⁷ Mari Madalen ha Mari, mamm Jozed, a zelle e peleh e oa bet lakeet.