Salm 125

(Heb. 126) Kanenn pirhirinaj.

An neb a had en daelou
a ra an eost en eur gana !

¹ Pa zigasas endro Doue prizonidi Sion,
E oam evel o huñvreal !

² Leun a c’hoarzou or genou,
Hag on teod o youhal.

Hag e lavared e-touez ar baganed :
Braz e-neus greet Doue gand ar re-mañ !

³ Ya ! braz e-neus greet Doue evidom,
Nag e oam laouen !

⁴ Digas endro, Doue, on tud prizoniet
Evel froudou an dezerz.

⁵ Hadet e oa bet en daelou,
En eur gana e oad oc’h eosti.

³ Mond a ra an den en eur ouela
En eur zougen hag o teuler an had.

⁷ Hag e teuer endro er youhadou,
En eur zougen erdin ed.

Hag ez eent, eüruz da veza bet da c’houzañv
evid ar C’hrist.

« Ni a oar ho-po lod en or frealzidigez, c’hwi hag ho-peus kemeret lod euz or poaniou. » (2 Kor. 1,7)