Salm 118

(Heb. 119)

XIV

Eur c’houlaouenn evid va c’hammedou eo da
lavariou, eur sklerijenn war va hent.

¹⁰⁵ Eur c’houlaouenn eo da gomz evid va c’hammedou,
Eur sklerijenn evid va gwenojenn.

¹⁰⁶ Touet am-eus hag e talhin
Da viroud da oll zetañsou a justis.

¹⁰⁷ Bez ez on dismegañset beteg re,
Aotrou, ro buhez din hervez da c’her.

¹⁰⁸ Digemer, Aotrou, kinnig va fedennou,
Kelenn din da venoziou.

¹⁰⁹ Bepred e riskl da goll va buhez,
N’ankounac’haan ket da Lezenn.

¹¹⁰ Tud fallagr o-deus stignet rouejou evidon,
Med ne zihenchan ket diwar da urziou.

¹¹¹ Va herez eo da urziou da viken,
Bez ez int Ievenez va c’halon.

¹¹² Douget am-eus va c’halon da zeveni da reolennou,
Bepred ha beteg ar fin.

Diwall ahanon, Aotrou Doue,
Te, va oll fiziañs !

 XIX

Araog ar goulou-deiz e pedan,
mail ganin kleved da c’her.

¹⁴⁵ Gervel a ran a greiz kalon, respont din, Aotrou,
Mired a rin da Iezennou.

¹⁴⁶ Da c’hervel a ran, saveta ahanon,
Ha mired a rin da urziou.

¹⁴⁷ Deuet on araog ar goulou-deiz, hag e krian,
En da gomzou ec’h esperan.

¹⁴⁸ Araog fin an noz, emañ digor va daoulagad
Da brederia war da gomzou.

¹⁴⁹ Hervez da garantez, selaou va mouez,
Aotrou, hervez da varnedigez, ro din ar vuhez.

¹⁵⁰ Tostaad a reont, va heskinerien fallagr,
Diouz da Iezenn e pellaont.

¹⁵¹ Te a zo tost, Aotrou,
Ha da oll c’hourhemennou a zo gwirionez.

¹⁵² Gouzoud a ran abaoe pell ’zo,
Da c’hourhemennou ’peus diazezet evid bepred.

« Dre ar garantez, e vez mired al Lezenn en he fez. » (Rom. 13,10)