Salm 113b

(Heb. 115)

On Doue a zo en neñvou,
kement a fell dezañ a ra !

¹ N’eo ket deom-ni, Aotrou, n’eo ket deom-ni,
Med d’az Ano, ro gloar evid da garantez ha da fealded.

² Perag e lavar ar broadou :
« Pelec’h emañ o Doue ? »

³ On Doue a zo en neñvou ;
Kement a fell dezañ a ra !

⁴ O idolennou a zo arhant hag aour,
Labour daouarn an den.

⁵ Eur genou o-deus ha ne gomzont ket,
Daoulagad o-deus ha ne welont ket.

⁶ Diouskouarn o-deus ha ne glevont ket,
Eur fri o-deus ha ne zantont ket.

⁷ Daouarn o-deus ha ne zornatont ket, *
Treid o-deus ha ne valeont ket,
mouskomz ebed en o c’horzaillenn.

⁸ Evelto ra vezo ar re o-deus greet anezo,
An neb a laka e fiziañs enno.

⁹ lzrael, lak da fiziañs en Aotrou,
Eñ eo da skoazell ha da skoed I

¹⁰ Tiegez Aharon, lak da fiziañs en Aotrou,
Eñ eo da skoazell ha da skoed !

¹¹ Doujerien an Aotrou, lakit ho fiziañs en Aotrou,
Eñ eo ho skoazell hag ho skoed !

¹² An Aotrou e-neus soñj ahanom : benniga a ray, *
Benniga a ray tiegez lzrael,
Benniga a ray tiegez Aharon,

¹³ Benniga a ray doujerien an Aotrou,
Ar re vihan hag ar re vraz.

¹⁴ Ra gendalho an Aotrou e vennoziou,
Warnoc’h ha war ho pugale.

¹⁵ Benniget ra viot gand an Aotrou,
E-neus greet an neñv hag an douar !

¹⁶ An neñv eo neñv an Aotrou,
Hag an douar e-neus roet d’an dud.

¹⁷ N’eo ket ar re a varv a veulo an Aotrou,
Rag oll e tiskennont da vro an dilavar.

¹⁸ Med ni eo a vennigo an Aotrou,
A-vremañ ha da virviken. Allelouia !

Eun Doue hepken, an Tad ;
eun Aotrou hepken, Jezuz Krist.

« Deuet oc’h da drei ouz Doue, o trei kein d’ar fals-kredennou evid servicha an Doue beo ha gwirion. » (1 Tes. 1,9)