Salm 94

(Heb. 95)

Deuit, stouom, plegom, daoulinom
dirag an Aotrou e-neus greet ahanom.

¹ Deuit da youhal evid an Aotrou, *
Da huchal evid or Roc’h, or Zalver !
² Deom war arbenn dezañ gand meuleudi,
Gand soniri, greom fest dezañ.

³ Rag eun Doue braz eo an Aotrou,
Eur roue braz a-uz d’an oll zoueed !
⁴ En e zorn emañ kondoniou an douar, *
Teñzoriou ar meneziou a zo dezañ ;
⁵ Dezañ eo ar mor bet greet gantañ,
Hag an douarou gand e zaouarn a zo bet stummet.

⁶ Deuit ! Stouom ! Plegom ! Daoulinom !
Dirag an Aotrou e-neus greet ahanom !
⁷ Rag Eñ eo on Doue,
Ha ni, pobl e beuraj, deñved e zaouarn.

Hirio, ma klevit e vouez, *
⁸ Na galetait ket ho kalon evel e M’riba,
Deiz an tentadur en dezerz,
⁹ M’o-doa tentet ahanon ho tadou,
Tentet ahanon goude ma welent pez a reen.

¹⁰ Daou-ugent vloaz ez on bet gand an heug ouz ar rumm-se *
Hag em-eus lavaret : « Pobl dianket e galon,
N’anavezont ket va henchou !
¹¹ Hag em-eus touet em c’hounnar :
Ne zaint ket beteg lec’h va diskuiz.