Salm 79

(Heb. 80)

Aotrou, dihun da c’halloud,
ha deus d’or sikour !

² Pastor lzrael, selaou,
Te hag a ren Yosef evel eur vandenn-zeñved ;
Te azezet war ar Gerubined, en em ziskouez
³ Dirag Efraim, Binyamin ha Menashe,
Dihun da c’halloud
Ha deus d’or sikour !

⁴ Doue, gra deom dond en-dro ;
Ra skedo da zremm hag e vim salvet !

⁵ Aotrou Doue oll-c’halloudeg,
Beteg peur e vi entanet a-eneb pedennou da bobl,
⁶ Hag e roi dezi da vevañs bara a zaelou
Ha da evach eur mor a zaelou ?
⁷ Eul luziadenn ez om-ni evid on amezeien,
Hag on enebourien a ra goap ouzom.

⁸ Doue, gra deom dond en-dro ;
Ra skedo da zremm hag e vim salvet !

⁹ Eur winienn euz an Ejipt ’poa tennet,
Ha skarzet broadou d’hec’h adplanta ;
¹⁰ Riñset poa ar vro dirazi,
Dezi da ober gwriziou ha da leunia ar vro.

¹¹ Goloet e oe ar meneziou gand he skeud,
Ha gand he skourrou sedrez Doue.
¹² Astenn a reas he brankou beteg ar mor,
Hag he broustennou beteg ar Stèr.

¹³ Perag ’peus freuzet he girzier,
Ma kutuill diouti kement hini a dremen war an hent ?
¹⁴ Turiet eo gand moc’h-gouez ar c’hoajou,
Ha peuret gand loened ar parkeier.

¹⁵ Aotrou Doue oll-c’halloudeg, deus en-dro !

Euz Iein an neñvou, sell ha gwel :
Deus da weladenni ar winienn-mañ ;
¹⁶ Evesa ouz an hini bet plantet gand da zorn dehou
Hag ouz ar mab bet kennerzet ganit.

¹⁷ Setu ma ’z eo devet ha trohet :
Gand da zremm kounnaret, ra vezint kaset da get !
¹⁸ Ra vezo da zorn war den da zorn dehou,
War mab an den az-peus kennerzet.
¹⁹ Biken mui ne bellaim diouzit ;
Gra deom beva hag e pedim da Ano.

²⁰ Aotrou Doue oll-c’halloudeg, gra deom dond en-dro,
Ra skedo da zremm hag e vim salvet !

Biken mui ne bellaim diouzit,
Gra deom beva hag e pedim da Ano.
« Deus, Salver Jezuz ! » (Disk. 22.30)