Salm 3

Eur skoed out evidon, Aotrou !

² Aotrou, na pegement a enebourien am-eus !
Niveruz ar re a zav a-eneb din,

³ Niveruz ar re a lavar euz va ene :
« N’eus ket a zividigez evitañ en e Zoue ! »

⁴ Med te, Aotrou, a vo eur skoed evidon,
Va gloar ez out, ha sevel a rez va fenn.

⁵ A vouez uhel e krian etrezeg an Aotrou,
Hag eñ a respont din euz e venez santel.

⁶ Gourvez a ran hag e kouskan ;
Dihuna a ran : an Aotrou eo va harper.

⁷ N’am-eus ket a aon dirag ar bobl niveruz
Tro-war-dro din ha savet a-eneb din.

⁸ Sav, Aotrou Doue !
Saveta ahanon, o va Doue !
Skei a rez gand va enebourien war o harvan,
Dent ar re fallagr a vo brevet.

⁹ Euz an Aotrou e teu ar zilvidigez ;
War da bobl emañ da vennoz.